VENDIM
Nr. 358, datë 1.6.2012
PËR SIGURINË NË DET, PLAZHE DHE NË UJËRAT E
BRENDSHME NË THELLËSI TË
TERRITORIT
Në mbështetje të nenit 100 të
Kushtetutës, të ligjit nr. 9251, datë 8.7.2004 “Kodi Detar i Republikës së Shqipërisë”, të ligjit nr. 9861,
datë 24.1.2008 “Për kontrollin dhe mbikëqyrjen e kufirit shtetëror”, të ligjit
nr. 8663, datë 18.9.2000 “Për regjistrimin, klasifikimin, mënyrën e përdorimit
dhe kontrollin e mjeteve lundruese
me motor me tonazh nën 20 NT”, të ligjit nr. 8652, datë 31.7.2000 “Për organizimin dhe funksionimin e qeverisjes
vendore”, të ndryshuar, të ligjit nr. 8905, datë 6.6.2002 “Për mbrojtjen e
mjedisit detar nga ndotja dhe dëmtimi”, të ligjit nr. 8934, datë 5.9.2002 “Për
mbrojtjen e mjedisit”, dhe të ligjit nr. 9734, datë 14.5.2007 “Për turizmin”,
me propozimin e Ministrit të Brendshëm dhe të Ministrit të Punëve
Publike dhe Transportit, Këshilli i Ministrave
VENDOSI:
I. DISPOZITA TË PËRGJITHSHME
1. Qëllimi
i këtij vendimi është përmirësimi i kushteve të sigurisë në plazhe, në zonat
çlodhëse në bregdet dhe në
ujërat e brendshme në thellësi të territorit.
2.
Kriteret e parashikuara në këtë vendim janë të vlefshme për të gjitha zonat
bregdetare dhe ujërat e brendshme (në thellësi të territorit), në të cilat plazhet
përdoren si zona çlodhëse dhe janë të autorizuara për përdorim publik.
3. Termat e
përdorur në këtë vendim kanë kuptimin e mëposhtëm:
- “Plazh”, zona me rërë, zhavorr apo shkëmb që
shtrihen në buzë të ujit të detit apo liqenit;
- “Zonat e ujërave të
brendshme (në thellësi të territorit)”, zonat ujore larg detit apo zonave bregdetare. Zakonisht kjo u referohet
liqeneve, rezervuarëve dhe lumenjve;
- “Plazh publik”, ato
zona të plazheve, që janë të autorizuara dhe të hapura për përdorim publik e që ofrojnë mjete
minimale për përdorim, me kushtet e sigurisë dhe higjienës;
-
“Leje”, u jepet personave privatë për të ofruar shërbime
dhe mjete në plazhin publik;
- “Varkë”, një nga llojet e mjeteve lundruese;
- “Mjet ujor
privat”, ato mjete lundruese me motor, që arrijnë shpejtësi të mëdha dhe që përdoren në zonat afër bregut të detit apo në
ujërat në brendësi të territorit. Në këtë term përfshihen të gjitha
mjetet lundruese motorike të shpejta, si: jet ski dhe motorët e ujit etj.;
- “Motovarkë”, mjet lundrues motorik për argëtim dhe qëllime të tjera, me
gjatësi deri në 24 metra;
- “Përdorues”,
personi që përdor apo është i ngarkuar për drejtimin e mjetit lundrues për
argëtim, i cili mund të jetë ose nuk mund të jetë pronari i mjetit;
- “Mjet lundrues për argëtim”, çdo varkë e çdo lloji, e destinuar për qëllime
sportive, argëtuese apo peshkim çlodhës argëtues, me
gjatësi deri në 24 metra, e matur sipas standardit europian, pavarësisht nëse ka motor apo jo. Ky përkufizim përmbledh edhe mjetet lundruese për
argëtim dhe mjetet e tjera lundruese personale;
- “Varkë me vela”, mjet lundrues për argëtim, i pajisur ose jo me një motor
ndihmës, që lëviz si rezultat i efektit të erës mbi vela dhe që mund të ketë
një motor të jashtëm apo çdo lloj motori tjetër ose pajisje mekanike të aftë
për të lëvizur mjetin;
- “I miratuar”, miratuar sipas një standardi të BE-së, standardit ISO apo një
standardi kombëtar, të pranuar nga Drejtoria e Përgjithshme Detare;
- “Institucion përgjegjës”, një institucion qendror apo vendor i
administratës publike, që ushtron një pushtet publik në fushën e zbatimit të këtij
vendimi;
- “Kushtet e sigurisë”, masat dhe pajisjet, të cilat duhen vendosur për uljen
e rrezikut ndaj jetës së personave, të cilët ushtrojnë
veprimtari çlodhëse në zona bregdetare të autorizuara;
- “Kushtet higjienike”, masat që mundësojnë shmangien apo pakësimin e
ndikimit dëmtues ndaj shëndetit të personave që ushtrojnë veprimtari çlodhëse
në zona bregdetare apo në ujëra të brendshme në thellësi të territorit.
II. DETYRIMET E
INSTITUCIONEVE PËRGJEGJËSE
4. Për
planifikimin, zbatimin dhe kontrollin e sigurisë në plazhe gjatë sezonit veror,
në përputhje me legjislacionin në fuqi, janë përgjegjëse institucionet e
mëposhtme:
- Ministria e Punëve Publike dhe Transportit (Drejtoria e Përgjithshme
Detare);
- Ministria e Brendshme (Drejtoria e Përgjithshme për Integrim dhe
Decentralizim, Drejtoria e Përgjithshme e Policisë së Shtetit);
- Ministria e Mbrojtjes (Roja Bregdetare);
- Ministria e Bujqësisë, Ushqimit dhe Mbrojtjes së Konsumatorit;
- Ministria e Turizmit, Kulturës, Rinisë dhe Sporteve;
- Ministria e Mjedisit, Pyjeve dhe Administrimit të Ujërave;
-
Njësitë e qeverisjes vendore.
5. Njësitë e qeverisjes vendore kanë këto detyrime:
a) Identifikimin e zonave
të përshtatshme si zona çlodhëse gjatë sezonit veror, të konsideruara të sigurta dhe të
shëndetshme për njerëzit. Për evidentimin e tyre, këto njësi të bashkëpunojnë
edhe me Ministrinë
e Mjedisit, Pyjeve dhe Administrimit të Ujërave, Ministrinë e Turizmit,
Kulturës, Rinisë dhe Sporteve, Ministrinë e Shëndetësisë dhe Ministrinë e
Mbrojtjes (Shërbimin Hidrografik Shqiptar).
b) Dhënien e autorizimit
për plazhe të përshtatshme për përdorim publik, nëse ato nuk paraqesin rrezik për njerëzit nga pikëpamja shëndetësore/higjienike
apo e sigurisë.
c) Dhënien e lejeve për
individë ose persona juridikë bashkë me autorizimin e përdorimit të plazheve apo zonave çlodhëse për përdorim
publik.
Poseduesit
e lejeve janë të detyruar të marrin dhe të zbatojnë me korrektësi të gjitha
masat e parashikuara për
sigurinë dhe shëndetin. Inspektimi i këtyre zonave do të kryhet nga Drejtoria e
Përgjithshme Detare në bashkëpunim me
institucionet e tjera që ngarkon me përgjegjësi ky vendim, sipas shtojcës
A-1.
ç)
Kontrollin dhe verifikimin e zbatimit të kushteve të sigurisë, të mirëmbajtjes
dhe atyre shëndetësore/higjienike,
sipas kritereve të përcaktuara në shtojcën B.
d) Heqjen e lejeve, në rastet kur qiramarrësi nuk
përmbush kushtet e sigurisë dhe ato
shëndetësore/higjienike.
shëndetësore/higjienike.
dh) Vënien
e gjobave në zbatim të akteve ligjore në fuqi, në rastet kur ka shkelje të
kushteve të sigurisë dhe atyre
shëndetësore/higjienike.
e) Përcaktimin, në bashkëpunim me Drejtorinë e
Përgjithshme Detare:
- të zonave (vendeve) të përdorimit të mjeteve lundruese çlodhëse, të cilat
të jenë të shënuara në mënyrë të dukshme me shënues të veçantë, ku të tregohen
edhe korridoret e hyrjes dhe të daljes nga deti;
- të distancave të ushtrimit të veprimtarisë së lundrimit nga këto mjete;
-
të orareve të përdorimit të tyre;
-
për vendosjen në vende të dukshme të shenjave
sinjalizuese, të tilla si:
“KUJDES –
ZONË KU NDALOHET PËRDORIMI I MJETEVE LUNDRUESE”; “KUJDES – ZONË E NDALUAR PËR TË
NOTUAR” etj., të cilat të jenë në gjuhën shqipe dhe në anglisht.
6. Policia e
Shtetit dhe Roja Bregdetare janë përgjegjëse për kontrollin e zbatimit të këtij
vendimi në det. Policia e Shtetit
përgjigjet për ujërat e brendshme dhe për ujërat në brendësi të territorit dhe
Roja Bregdetare për detin territorial.
7. Drejtoria e Përgjithshme Detare, njësitë e qeverisjes
vendore dhe Policia e Shtetit, në bashkëpunim
ndërmjet tyre, përgjigjen për zbatimin dhe kontrollin e zbatimit të detyrave të
mëposhtme:
a) Verifikimin e zbatimit të ligjshmërisë dhe
patrullimin periodik (nga Policia e Shtetit dhe policia bashkiake/komunale)
përgjatë vijës bregdetare publike dhe në zonat çlodhëse të ujërave të brendshme
në thellësi të territorit;
b) Kryerjen e kontrolleve
dhe marrjen e masave për të siguruar zbatimin e të gjitha kushteve të sigurisë, të higjienës dhe atyre të
mirëmbajtjes.
8. Subjektet e pajisura me
leje për përdorimin e një plazhi në bregdet apo në ujëra të brendshme në
thellësi të territorit kanë detyrimin e vendosjes, të mirëmbajtjes dhe të
ruajtjes së kushteve higjienike e të sigurisë, të caktuara në këtë vendim, me
shpenzimet e tyre. Në rast të kundërt, leja hiqet nga njësitë e qeverisjes vendore mbi bazën e konstatimit të
bërë nga organet e kontrollit.
9. Drejtoria e Përgjithshme Detare duhet të
hartojë dhe të zbatojë rregulla për përdorimin e sigurt të mjeteve lundruese që
përdoren për argëtim, licencimin e përdoruesve të varkave që do të përdoren për argëtim, përdorimin e sigurt të
varkave të vogla me motor dhe lundrimin e sigurt në ujërat e brendshme
në thellësi të territorit.
10. Ministria e Turizmit, Kulturës, Rinisë dhe
Sporteve, në bashkëpunim me Drejtorinë e Përgjithshme Detare, është përgjegjëse
për hartimin, zbatimin dhe kontrollin e rregullave për autorizimin e qendrave të zhytjes sportive dhe të shkollave
të trajnimit për zhytje sportive në përputhje me praktikat ndërkombëtare të
zhytjes sportive, duke siguruar që këto qendra të kenë pajisje të mjaftueshme,
të jenë të organizuara dhe të kenë instruktorë të certifikuar.
II. Njësitë e
qeverisjes vendore duhet të përgatitin dhe të mbajnë një inventar të lejeve të
dhëna, datave të inspektimit për
kontrollin e përmbushjes së kushteve dhe përcaktimin e qartë të vendndodhjes së
veprimtarive të lejuara sipas këtij vendimi.
12.
Policia e Shtetit, në bashkërendim me institucionet e tjera qendrore, të
përmendura në këtë vendim, dhe njësitë e qeverisjes vendore, harton një plan të
qëndrueshëm për sigurinë në plazhe, i cili duhet të rishikohet në muajin prill
të çdo viti dhe të jetë i gatshëm për zbatim çdo sezon turistik, duke filluar nga data 1 qershor dhe duke
përfunduar në datën 30 shtator.
III. SHTOJCAT E VENDIMIT
13. Këtij vendimi i bashkëlidhen këto shtojca, si
pjesë përbërëse e tij:
Shtojca A-1: Zonat e
identifikuara për t’u autorizuar për përdorim publik në bregdetin shqiptar dhe ujërat në brendësi të territorit.
Shtojca A-2: Zonat e
identifikuara për t’u autorizuar për veprimtari zhytjeje.
Shtojca A-3: Zonat e
identifikuara për t’u autorizuar për parashutizëm detar (parasailing, surfing).
Shtojca A-4: Zonat e
identifikuara për t’u autorizuar për veprimtari rafting.
Shtojca B: Kërkesat për
sigurinë dhe higjienën për plazhet publike.
Shtojca B-1: Rregullat e arta
(të afishuara në çdo plazh publik).
Shtojca B-2: Rregullat e arta
(për drejtuesit e mjeteve lundruese).
Shtojca C: Kushtet e
sigurisë për përdorimin e varkave me motor dhe mjeteve lundruese me motor për
përdorim personal në plazhet publike.
Shtojca D: Kërkesat për
regjistrimin, certifikimin dhe licencimin e varkave me motor dhe mjeteve
lundruese me motor për përdorim personal.
Shtojca
E: Kërkesa për sigurinë në praktikimin e sporteve të aventurës, si: “Rafting”,
“Kayake” dhe “Kanoe” në lumenj dhe në ujërat e brendshme.
IV. DISPOZITA TË FUNDIT
14. Për shkeljet e kryera
në përdorimin e mjeteve lundruese me motor, zbatohen sanksionet e parashikuara nga nenet
19-30, të ligjit nr. 8663, datë 18.9.2000 “Për regjistrimin, klasifikimin,
mënyrën e
përdorimit dhe kontrollin e mjeteve lundruese me motor, me tonazh nën 20 NT”.
15. Ministritë e linjës
nxjerrin aktet e nevojshme nënligjore, në zbatim të këtij vendimi.
16. Çdo akt i mëparshëm nënligjor,
që bie në kundërshtim me këtë vendim, shfuqizohet.
17. Ngarkohen Ministria e
Brendshme, Ministria e Punëve Publike dhe Transportit, Ministria e Turizmit, Kulturës, Rinisë dhe Sporteve,
Ministria e Mbrojtjes, Ministria e Bujqësisë, Ushqimit dhe Mbrojtjes së Konsumatorit, Ministria e
Mjedisit, Pyjeve dhe Administrimit të Ujërave dhe njësitë e qeverisjes vendore
për zbatimin e këtij vendimi.
Ky vendim hyn në fuqi pas
botimit në Fletoren Zyrtare.
KRYEMINISTRI
Sali Berisha
Shtojcat:
Shtojca
A Zonat
e identifikuara për t’u autorizuar për përdorim publik në bregdetin shqiptar
dhe
A-1 ujërat në brendësi të territorit
A-2 Zonat e identifikuara për t’u autorizuar për aktivitete zhytjeje
A-3 Zonat e identifikuara për t’u autorizuar parashutizëm detar (parasailing)
dhe surfing
A-4 Zonat e identifikuara për t’u autorizuar për aktivitetet rafting
Shtojca
B Kërkesat
për sigurinë dhe higjienën për plazhet publike
Shtojca
B-1 Rregullat e arta (të afishuara në çdo plazh publik)
Shtojca
B-2 Rregullat e arta (për drejtuesit e mjeteve lundruese)
Shtojca
C Kushtet e sigurisë për përdorimin e
varkave me motor dhe mjeteve lundruese me motor për përdorim personal në
plazhet publike
Shtojca D Kërkesat për regjistrimin, certifikimin dhe licencimin e varkave me motor dhe mjeteve lundruese me motor për përdorim personal
Shtojca E Kërkesa për sigurinë në praktikimin e sporteve të aventurës, si: “Rafting”, “Kayake” dhe “Kanoe” në lumenj dhe në ujërat e brendshme
Shtojca D Kërkesat për regjistrimin, certifikimin dhe licencimin e varkave me motor dhe mjeteve lundruese me motor për përdorim personal
Shtojca E Kërkesa për sigurinë në praktikimin e sporteve të aventurës, si: “Rafting”, “Kayake” dhe “Kanoe” në lumenj dhe në ujërat e brendshme
SHTOJCA A
A-1
ZONAT E IDENTIFIKUARA PËR T’U AUTORIZUAR PËR PËRDORIM PUBLIK NË BREGDETIN
SHQIPTAR DHE UJËRAT NË BRENDËSI TË TERRITORIT
1. Plazhet publike mund
të jenë subjekt autorizimi në bregdet dhe në ujërat e brendshme të
identifikuara si më poshtë:
a) Plazhi i Zogajt (Liqeni i Shkodrës)
b)Plazhi i Shirokës
c) Plazhi i Velipojës
d)Plazhi i Shëngjinit
e) Plazhi i Patokut
f) Gjiri i Lalzit
g) Plazhi i Currilave h) Plazhi i Durrësit i) Plazhi i Gjeneralit j) Plazhi i Spillesë k) Plazhi i Divjakës l) Plazhi
i Semanit m) Plazhi i Poros
n) Plazhi i Zvërnecit (nga
Hunda e Plakur deri te Porti i Peshkimit – Zvërnec)
o) Plazhi i Vjetër (nga
Petrolifera deri te Moli Zero i Portit Vlorë)
p) Plazhi nga Shkolla e
Marinës deri te Post-Blloku Pashaliman
q) Plazhi i Palasës
r) Plazhi i Dhërmiut
s) Plazhi i Jalit (Vuno)
t) Plazhi i Himarës (nga
Livadhi deri në Gjirin e Llamanit)
u) Plazhi i Qeparoit
v) Plazhi i Borshit
w) Plazhi i Bunecit
x) Plazhi i Sarandës (nga
Limioni deri në Ksamil)
y) Plazhi i Pogradecit z) Plazhi i Tushemishtit
zh) Plazhi i Linit
2. Në çdo zonë të identifikuar, lejet lëshohen nga njësitë
e qeverisjes vendore, duke i përkufizuar si plazhe publike.
A-2 ZONAT E
IDENTIFIKUARA PËR T’U AUTORIZUAR PËR AKTIVITETE ZHYTJEJE
1. Zonat publike të hapura për aktivitete të zhytjes
sportive:
a) Gjiri i Vlorës, zona nga Tuneli deri Jonufër: deri në 500 m nga bregu;
b)Zona e Karaburunit nga Raguza I deri në Shën Jan: deri 500 m nga bregu;
c) Zona e Dhërmiut: 500 m nga bregu;
d)Gjiri i Himarës: 500 m nga bregu;
e) Bregu i Lukovës: deri 500 m nga bregu;
f) Plazhi i Bunecit: deri 500 m nga bregu;
g) Gjiri i Llamanit: deri 500 m nga bregu;
h) Në veri Kepi i Paladhës:
100 m nga bregu; i) Ksamil: 200 m nga bregu.
2. Gjatë
zhytjeve duhet të vendosen bovat dhe sinjalizimet përkatëse për devijimin e
mjeteve lundruese dhe që tregojnë se ka persona nën ujë.
Në rastet kur zhytësit janë me kombësi të huaj, krahas
plotësimit të dokumentacionit përkatës, këtë aktivitet duhet ta
kryejnë në bashkëpunim me shoqatat e njohura të zhytësve shqiptarë.
3. Qendrat për zhytje sportive dhe shkollat e trajnimit për zhytje sportive
duhet të përmbushin kërkesat e rregullores së përgatitur
nga Ministria e Turizmit, Kulturës, Rinisë dhe Sporteve dhe Drejtoria e Përgjithshme
Detare, sipas pikës 10 të vendimit.
4. Siguria e aktiviteteve për zhytje sportive është nën përgjegjësinë e
personit të autorizuar për ofrimin e këtij shërbimi (qendra apo
shkolla e autorizuar). Aktivitetet e zhytjes lejohen vetëm gjatë orëve të ditës
dhe deri në atë thellësi maksimum, që nuk përfshihet në kërkesat e
dekompresionit.
5. Pasuritë e fundit të
detit janë pronë e shtetit shqiptar. Ndalohet zhytja në zonat nënujore me vlera historike dhe
mbetje arkeologjike, si dhe në anijet dhe objektet e mbytura, të cilat mbrohen
sipas ligjit
nr. 9048, datë 7.4.2003 “Për trashëgiminë kulturore”, të ndryshuar, dhe
konventave ndërkombëtare të
ratifikuara.
6. Ndalohet përdorimi i
pushkëve nënujore, nëse përdoren së bashku me respiratorë nënujorë (autorespiratorë) apo natën nga perëndimi
deri në agim.
7. Ndalohet përvetësimi i objekteve me vlera
arkeologjike, historike dhe kulturore, të nxjerra nga fundi i detit. Personat fizikë ose juridikë që gjejnë në mënyrë të
rastësishme ose jo objekte të tilla, janë
të detyruar që brenda 20 ditëve të bëjnë deklarimin e tyre pranë autoriteteve
përkatëse vendore të Drejtorisë së
Përgjithshme Detare dhe Policisë Kufitare dhe të Migracionit. Këto të fundit,
pas marrjes në dorëzim dhe regjistrimit të objekteve të deklaruara, bëjnë
njoftimin përkatës pranë institucioneve shtetërore të specializuara përgjegjëse
për trashëgiminë kulturore, Agjencisë së Shërbimit Arkeologjik dhe drejtorive
rajonale të kulturës kombëtare.
8. Mosdeklarimi i
objekteve me vlera të trashëgimisë kulturore të nxjerra nga fundi i detit
ndëshkohet sipas ligjit nr. 9048, datë 7.4.2003 “Për trashëgiminë kulturore”,
të ndryshuar.
9. Gjatë aktivitetit të zhytjes
zbatohen të gjitha ndalimet e përcaktuar në legjislacionin që rregullon
veprimtarinë e peshkimit.
A-3 ZONAT E
IDENTIFIKUARA PËR T’U AUTORIZUAR PËR PARASHUTIZËM DETAR
(PARASAILING) DHE
SURFING
1. Zonat publike të autorizuara për parasailing
dhe rafting:
a) Plazhi i Shëngjinit: 1
milje nga bregu;
b)Gjiri i Lalzit: 1 milje nga bregu;
c) Plazhi i Divjakës: 1 milje nga bregu;
d)Plazhi i Semanit: 1 milje nga bregu;
e) Plazhi i Poros: 1 milje nga bregu;
f) Plazhi i Vjetër Vlorë (nga Moli Jugor i Petroliferës deri në Molin “Zero”):
1 milje nga bregu;
g) Plazhi i Ri Vlorë (nga Moli i Naftës deri te Moli i Radhimës): 1.5 milje
nga bregu; h) Plazhi i Palasës: 1 milje nga bregu;
i) Plazhi i Dhërmiut: 1 milje
nga bregu; j) Plazhi i Borshit: 1 milje nga bregu.
A-4 ZONAT E
IDENTIFIKUARA PËR T’U AUTORIZUAR PËR AKTIVITETET RAFTING
1. Zonat publike të hapura për aktivitete rafting:
a) Kanioni i lumit Osum, itinerari 16 km nga fshati Hambull deri në Çorovodë;
b)Lumi Osum, itinerari Vodicë-Berat;
c) Lumi Vjosë, itinerari Çarshovë-Përmet;
d)Lumi Vjosë, itinerari 13 km, gryka e Këlcyrës;
e) Gryka e Devollit, 14
km;
f) Kanioni i Valbonës.
SHTOJCA B KËRKESAT PËR SIGURINË DHE
HIGJIENËN PËR PLAZHET PUBLIKE
1. Çdo
zonë e caktuar sa më sipër duhet të kufizohet me distancën e lejuar nga bregu
me anë të bovave lundruese dhe
shenjave përkatëse të sigurisë dhe rrezikut:
a) Bovat
sinjalizuese për zonat e notuesve:
Zonat për notim duhet të jenë të kufizuara me bova (ku
përdorimi i varkave dhe mjeteve ujore me motor është i ndaluar);
b) Sinjalizimin
e zonave të përdorimit të mjeteve lundruese për argëtim:
Zonat për përdorimin dhe ankorimin e mjeteve lundruese me
motor, jashtë zonave të përcaktuara për notim, duhet të jenë të
kufizuara, duke ofruar vende për ankorim (kalata), vendparkim në tokë dhe bova
për përcaktimin e korridoreve për afrimin dhe parkimin në tokë të mjeteve ujore
me motor (ku aktivitetet e notimit janë të ndaluara);
c) Të vendosen flamuj me shkop (çdo ditë gjatë sezonit të verës, mbajtësi
i lejes së përdorimit të plazhit apo
ndonjë nga punonjësit e tij, duhet të vendosë një flamur në përputhje me
kushtet e motit dhe të detit):
i) Flamuri i gjelbër,
autorizohet notimi;
ii) Flamur i kuq, larja
është e ndaluar;
iii) Shkopi i flamurit duhet
të jetë 3.5 metër i lartë, i dukshëm në të gjithë zonën.
Shënim. Flamuri mund të
ndryshohet gjatë ditës, nëse ndryshojnë kushtet e motit apo të detit.
iv)
Në plazhet e autorizuara, në shkopin e flamurit duhet të ketë edhe një poster
me informacion mbi kushtet e plazhit “plazh i
përshtatshëm për notim” në shqip dhe anglisht, me shkronja blu;
v) Për plazhet e
paautorizuara, posteri duhet të tregojë “plazh i pasigurt për notim”, në shqip
dhe anglisht me shkronja të kuqe.
2. Prania e flamujve dhe posterave për siguri dhe higjienë në vende të
paautorizuara, është përgjegjësi e njësive të qeverisjes vendore;
3. Orari i hapjes së plazheve të jetë nga ora 08:00 deri në perëndim të
diellit, orar gjatë të cilit duhet të ofrohet shërbimi i vrojtuesve nga njësitë
e qeverisjes vendore.
4. Çdo zonë e deklaruar për plazh dhe aktivitete të tjera çlodhëse duhet të
ketë:
a) Kulla vrojtimi për çdo 200-250 metra plazh me lartësi 3 metra;
b) Kulla e vrojtimit duhet të ketë vrojtues, të veshur në mënyrë të
përshtatshme dhe të trajnuar me kompetencat për të shpëtuar jetën dhe për
ndihmën e parë;
c) Vrojtuesit duhet të jenë me shërbim gjatë gjithë orarit që plazhi është i
hapur;
d) Kulla e vrojtimit duhet të jetë e pajisur me elementet që vijojnë:
NR.
|
ELEMENTI
|
SASIA
|
1
|
Dylbi
|
Një
|
2
|
Megafona
|
Një
|
3
|
Bilbil
metalik
|
Një
|
4
|
Barrelë,
barrelë kosh dhe kollare qafe
|
Një
|
5
|
Kuti
të ndihmës së parë të pajisur për t’ju përgjigjur qëllimit
|
Një
|
6
|
Kamerdare (rreth shpëtimi, salvaxhente), bovë shpëtimi
për çdo vrojtues
|
Një
|
7
|
Kamerdare (rreth shpëtimi, salvaxhente), me
perimetër shpëtimi 30 metër për çdo 200-250 metra plazh
|
Një
|
8
|
Mjete
komunikimi apo telefona
|
Një
|
e) Kanalet për komunikim emergjence:
i) Qendra e SAR Tiranë: Tel. 042 240081
ii) QNOD: Tel. 052 260555
iii) Policinë e Shtetit: Tel. 129
iv) Nr. tel. të Policisë së Rendit
dhe asaj Kufitare Rajonale
v) Ambulancën 127
vi) Kapiteneria Detare:
1) Durrës: Tel. 0522/20018, VHF CH 15, CH 16
2) Vlorë: Tel. 033 202982, VHF CH 12, CH 16
3) Himarë: Tel. 039 22412, VHF CH 14, CH 16
4) Sarandë: Tel. 085
22734, VHF CH 11, CH 16
5) Shëngjin: Tel 028
122203, VHF CH 71 CH 16
5. Çdo zonë e deklaruar më sipër për plazh dhe
aktivitete të tjera çlodhëse, duhet të pajiset me masa higjienike si më
poshtë:
a) Të ofrojë tualete
(portative, kimike apo të ngjashme me to) me shërbim pastrimi ditor;
b) Të ofrojë kosha apo
kazanë me kapak dhe të organizohet një sistem për pastrimin e tyre ditor (kur është e nevojshme edhe çdo ditë);
c) Të ofrojë shërbim për
pastrimin e plazhit në mëngjes dhe në mbrëmje pas mbylljes së plazhit;
d) Të instalojë dushe me
ujë të ëmbël.
6. Ofrimi
i shërbimeve të përmendura më sipër bëhet me shpenzimet e mbajtësit të lejes
për zonat e autorizuara si plazhe publike.
SHTOJCA B-1
RREGULLAT E ARTA
(TË AFISHOHEN NË ÇDO
PLAZH PUBLIK)
1. Noto vetëm në zonat e autorizuara dhe me sinjalistikë;
2. Respekto flamurin dhe informacionin e afishuar:
a) Flamuri i gjelbër - lejohet notimi;
b) Flamur i verdhë - notim me masa mbrojtëse; dhe
c) Flamur i kuq - ndalohet
notimi.
3.
Mos shko të notosh nën ndikimin e alkoolit apo drogave;
4.
Mos noto nëse ke ndonjë problem fizik;
5.
Pusho për një orë pas ngrënies (drekës) para se të shkosh
për notim;
6.
Të miturit nën 16 vjeç duhet të jenë gjithmonë nën
mbikëqyrjen e më të rriturve;
7.
Mos u hidh nga shkëmbinj apo platforma;
8.
Ndiq udhëzimet e vrojtuesit (rojës së shpëtimit të
jetës).
“Në rast EMERGJENCE në det telefono …….”
SHTOJCA B-2
RREGULLAT E ARTA PËR
DREJTUESIT E MJETEVE LUNDRUESE
(NJË KOPJE T’I
TREGOHET, SHPJEGOHET DHE JEPET ÇDO DREJTUESI MJETI LUNDRUES)
1. Mosha minimale e
drejtimit është 18 vjeç; personat me moshë nga 16 vjeç deri në 18 vjeç lejohen të drejtojnë
mjetet lundruese me motor vetëm të shoqëruar nga një prind.
2. Para dhe gjatë
lundrimit, drejtuesi i mjetit apo personi i ngarkuar në bord duhet:
a) Të sigurohet që të
gjithë personat në bord përdorin një lloj të miratuar jeleku shpëtimi në përputhje me
certifikatën e mjetit lundrues, të lëshuar nga Drejtoria e Përgjithshme Detare;
b)Lloji
i jelekut të shpëtimit duhet t’u përshtatet përmasave të personit që do ta
përdorë (të ofrohen jelekë shpëtimi për fëmijët);
c) Përpara fillimit të
lundrimit me një varkë me motor apo me vela, kapiteni duhet të sigurohet që të gjithë personat të jenë të ulur;
d)Lundrimi lejohet vetëm në zonat e autorizuara;
e) Lundrimi në zonat e përcaktuara për notim është i ndaluar;
f) Gjatë gjithë kohës të respektohen rregullat e lundrimit (COLREG);
g) Të mbajë distancat e sigurisë:
a) 50 metra nga jet ski-të, motorët e ujit apo mjetet e tjera lundruese me
motor;
b) 100 metra nga notuesit;
c) 200 metra nga anijet në zonën e ankorimit dhe platformat larg bregut.
3. Pronari
apo personi që jep me qira duhet të sigurohet për kushtet teknike dhe të
sigurisë për pajisjet që ofron dhe
një trajnim minimal për personin e ngarkuar për drejtimin e mjetit (drejtuesi i
mjetit lundrues), midis të tjerash:
a) Trajnim bazë për përdorimin e mjetit lundrues;
b) Njohuri të përgjithshme mbi zonën, kushtet e motit, rreziqet dhe afatin
kohor të autorizuar;
c) Kushtet teknike të
motorit;
d) Rripin e sigurisë që
vihet në dorë për fikje automatike të motorit apo litarin e sigurisë (për skafet, jet ski dhe motorët e ujit);
e) Karburant të
mjaftueshëm për lundrimin e planifikuar;
f) Certifikata origjinale
e mjetit dhe licencat e ekuipazhit (nëse kërkohet sipas llojit të mjetit) duhet të mbahen në bord;
g) Të kontrollohen dhe
të mbahen në bord të gjitha pajisjet e sigurisë, në sasi të mjaftueshme për të gjithë personat në
bord (në varësi të mjetit të lundrimit), në përputhje me certifikatën e mjetit
lundrues;
h) Të kontrollohet
gjendja e pajisjeve të komunikimit (nëse kërkohet sipas llojit të mjetit të lundrimit);
4. Drejtuesi i mjetit lundrues apo personi i
ngarkuar, duhet të sigurohet që:
a) Të mos merren më shumë njerëz në bord se numri i
autorizuar sipas certifikatës;
b) Kur
mjeti është duke lundruar, të gjithë personat duhet të përdorin jelekët e
shpëtimit (kostumet dhe kokoret, në varësi të llojit të aktivitetit);
c) Të mbahet një kopje e hartës detare;
d) Të informohet Kapiteneria e Portit, Salla
Operative e Drejtorisë Rajonale të Kufirit dhe Migracionit apo zyra që jep mjetin me qira mbi itinerarin e lundrimit,
qëllimin e aktivitetit dhe kohën e vlerësuar të kthimit (ETA) në vendin
origjinal të nisjes;
e) Gjatë afrimit për
ankorim apo parkim në tokë, shpejtësia duhet të ulet në 4 nyje;
f)
Lundrimi apo peshkimi në zonën e
radit të anijeve është i ndaluar;
g)
Lundrimi nëpër kanale, gjire, porte
dhe zona të ngushta të bëhet me shpejtësi deri në 4 nyje.
“Në rast EMERGJENCE në det bëj thirrje për të raportuar në kanalin 16 VHF (Kapitenerinë e Portit), në zyrën që ke marrë me qira apo telefono në
numrin telefonik sipas tabelës, për të informuar llojin e emergjencës,
vendndodhjen dhe gjendjen e ekuipazhit apo
pasagjerëve në bord”
SHTOJCA C
KUSHTET E SIGURISË PËR PËRDORIMIN E VARKAVE ME MOTOR DHE MJETEVE
LUNDRUESE ME MOTOR PËR
PËRDORIM PERSONAL NË PLAZHET PUBLIKE
1. Për të
drejtuar një varkë me motor apo me vela, drejtuesi duhet të ketë lejedrejtimin
përkatës të lëshuar nga Drejtoria e
Përgjithshme Detare, duke siguruar përmbushjen e të gjitha detyrimeve të përcaktuara
nga rregullorja përkatëse;
Përjashtohen
nga kjo kërkesë të gjitha mjetet e vogla ujore me fuqi motorike nën 30 kW dhe motorët e detit nën 132.39 kW.
2. Distanca maksimale e
lundrimit nga bregu më i afërt për këto mjete lundruese të jetë jo më shumë se 2 milje barkat dhe 1 milje për
motorët e detit.
3. Mosha minimale për të
drejtuar një varkë me motor apo me vela është 18 vjeç; personat me moshë nga 16 deri 18
lejohen të drejtojnë këto mjete vetëm kur janë të shoqëruar nga prindërit.
4. Përpara lundrimit, të
gjithë personat në bord duhet të përdorin jelekët e shpëtimit në përputhje me
certifikatën e mjetit lundrues të lëshuar nga Drejtoria e Përgjithshme Detare.
Përdorimi i jelekëve të shpëtimit në mjetet lundruese me motor për përdorim
personal është i detyrueshëm. Përdorimi i kostumit dhe kokores bëhet në
përputhje me rrezikun e llojit të aktivitetit (ngritje, hedhje, gara etj.).
5. Poseduesit e mjeteve ujore janë të detyruar
t’i sigurojnë këto mjete pranë shoqërive të sigurimit
në përputhje me ligjin nr. 10076, datë 12.2.2009 “Për sigurimin e detyrueshëm
në sektorin e transportit”, kreu VII “Për siguracionin e mjeteve të
vogla detare”.
6. Ndalohet lundrimi në
rrugëkalimet detare, ngushticat, kanalet dhe zonat e kufizuara ujore.
7. Pronari apo personi që
jep mjetin me qira duhet të verifikojë kushtet teknike dhe të sigurisë të jet ski-ve dhe të
mjeteve të tjera me motor, që përpara përdorimit. Gjithashtu, përveç sa
parashikohet në shtojcën B-2, të
përmbushen edhe këto kritere:
a) Certifikata origjinale
e mjetit, certifikata e përdorimit dhe licencat e ekuipazhit (nëse kërkohet sipas llojit të mjetit) duhet të mbahen në
bord;
b) Të gjitha mjetet
lundruese të regjistruara duhet të kenë të shënuar në vend të dukshëm emrin dhe
numrin e matrikullës në përputhje me rregullat që zbaton Drejtoria e
Përgjithshme Detare;
c) Të kontrollohen dhe të
mbahen në bord të gjitha pajisjet e sigurisë në sasi të mjaftueshme për të gjithë personat në
bord (në varësi të mjetit të lundrimit) në përputhje me certifikatën e mjetit
lundrues;
d) Të kontrollohet gjendja
e pajisjeve të komunikimit (nëse kërkohet sipas llojit të mjetit të lundrimit);
e) Të mos merren më shumë
njerëz se numri i autorizuar sipas certifikatës;
f) Kur mjeti është duke lundruar, të përdoren në
mënyrë të përhershme jelekët e shpëtimit (kostumet dhe kokoret, në varësi të
llojit të aktivitetit);
g) Të mbahet një kopje e
zvogëluar e hartës detare apo sipas rastit dhe llojit të mjetit lundrues, ndonjë pajisje e ngjashme elektronike për të
njëjtin qëllim;
h) Të
informohet Kapiteneria e Portit, Salla Operative e Drejtorisë Rajonale të
Kufirit dhe Migracionit, apo dhe
zyra që jep mjetin me qira mbi itinerarin e lundrimit, qëllimin e aktivitetit
dhe kohën e vlerësuar të kthimit (ETA) në vendin origjinal të nisjes;
i) Gjatë
afrimit për ankorim apo parkim në tokë, shpejtësia duhet të ulet në 4 nyje;
j) Lundrimi apo peshkimi në zonën e radit të anijeve
është i ndaluar;
k) Lundrimi
nëpër kanale, gjire, porte dhe zona të ngushta të bëhet me shpejtësi deri në 4
nyje.
SHTOJCA D
KËRKESAT PËR REGJISTRIMIN, CERTIFIKIMIN DHE LICENCIMIN E VARKAVE ME MOTOR DHE MJETEVE LUNDRUESE ME MOTOR PËR PËRDORIM
PERSONAL
1. Regjistrimi
i varkave me motor:
a)
Të gjitha varkat, pavarësisht nga
lloji dhe përmasat duhet të regjistrohen në regjistrin e anijeve te Drejtoria e
Përgjithshme Detare;
b)
Regjistri i Anijeve përmban të dhëna
për anije dhe mjete të tjera lundruese të llojeve dhe përmasave
të ndryshme. Në mënyrë të veçantë për zbatimin e këtij vendimi përcaktohet
regjistri i anijeve për mjetet lundruese për argëtim dhe mjetet e vogla
lundruese;
c)
Regjistri i Anijeve për mjetet
lundruese për argëtim dhe mjetet e vogla lundruese mbahet nga Drejtoria e
Përgjithshme Detare;
d)
Varkat dhe mjetet lundruese me motor
inspektohen në përputhje me llojin e tyre dhe pajisen me
certifikatën e pronësisë, certifikatën e sigurisë për mjetet lundruese për
argëtim apo certifikatën e sigurisë për mjetet lundruese të vogla me motor, sipas
rregullave të miratuara për këtë qëllim nga Drejtoria e Përgjithshme Detare;
e)
Varkat dhe mjetet lundruese me motor duhet të ruajnë
karakteristikat dhe pronësinë e tyre. Çdo
ndryshim duhet të raportohet në zyrën e regjistrimit pranë Drejtorisë së
Përgjithshme Detare, të cilët bëjnë ndryshimet në regjistrin e të dhënave, dhe
nëse kërkohet, lëshojnë një certifikatë të re për mjetin lundrues.
2. Dokumentacioni
që kërkohet nga Drejtoria e Përgjithshme Detare:
a)
Për regjistrimin e një varke me
motor apo mjeti lundrues me motor subjektet e interesuar aplikojnë pranë
Drejtorisë së Përgjithshme Detare.
b) Dokumentet që kërkohen janë si më poshtë:
i) Formularin e aplikimit për regjistrim (në përputhje me
rregullat e Drejtorisë së Përgjithshme Detare);
ii) Dokumentet që duhet të bashkëngjiten:
1)
Për mjetet lundruese shqiptare:
a)
Nëse është mjet i ri lundrues i
ndërtuar brenda vendit, certifikata nga kompania e ndërtimit, kontrata e
shitjes dhe fatura në emrin e blerësit;
b)
Për mjetet e përdorura, të sjella në tregun shqiptar,
duhet fatura në emrin e blerësit, që provon se blerësi është pronari ligjor i
mjetit lundrues.
2)
Për varkat dhe mjetet lundruese të huaja, të importuara
nga jashtë, kërkohet fatura e zhdoganimit, si dhe fatura e blerjes në emrin e
blerësit. Nëse mjeti është i regjistruar më parë në një vend tjetër, blerësi duhet të disponojë certifikatën e anulimit të
regjistrimit të mëparshëm;
3)
Deklaratën e noterizuar nga një
ekspert teknik (nga Departamenti i Shkencave Nautike apo inxhinierisë
navale në Universitetin e Vlorës i autorizuar të lëshojë një deklaratë të
tillë, regjistri Shqiptar i Anijeve, apo nga organizata të
tjera të njohura), që tregon detajet teknike dhe dimensionet e mjetit lundrues, në
përputhje me rregullat e caktuara në këtë shtojcë të vendimit.
3. Tipologjia
dhe kategorizimi i varkave me motor.
Kategorizimi i varkave për argëtim dhe mjeteve lundruese
me motor duhet të bëhet në përputhje me llojin dhe kategorinë, të
përcaktuara në rregulloren e Drejtorisë së Përgjithshme Detare.
a) Mjetet lundruese me motor për përdorim personal
dhe hovercraftet:
Këtu
përfshihen të gjitha llojet e mjeteve lundruese të shpejta, si: jet ski, motorë
uji të të gjitha llojeve dhe mjete lundruese me motor të ngjashme me to. Hovercraftet e
vogla që përdoren për sporte ujore,
gjithashtu mund të përfshihen në këtë kategori.
Nënkategorizimi
i mjeteve lundruese me motor për përdorim personal bëhet në përputhje me fuqinë motorike të tyre (kilo-watt).
b) Varkat me motor:
Nënkategorizimi i varkave me motor, përcaktohet
në përputhje me fuqinë motorike të tyre (kW).
c) Varkat me vela:
Nënkategorizimi i tyre përcaktohet sipas
gjatësisë dhe numrit të motorëve.
4. Licencimi i përdorimit të mjeteve lundruese me
motor.
Lloji i
licencës dhe detyrimet përkatëse të subjekteve të licencuara duhet të
përcaktohen në një rregullore të
veçantë “Për licencimin e përdoruesve të mjeteve lundruese argëtuese me motor”,
të përgatitur nga Drejtoria e Përgjithshme Detare – Kapiteneria e Portit.
5. Qendrat
e trajnimit për sportet ujore dhe klubet e sporteve ujore.
Klubet për sportet ujore dhe shkollat e trajnimit duhet
të autorizohen nga Ministria e Turizmit, Kulturës, Rinisë dhe Sporteve dhe Drejtoria e
Përgjithshme Detare.
6. Kufizimet
e moshës për përdoruesit e mjeteve lundruese me motor për sporte ujore.
Mosha
minimale për të marrë autorizim për përdorimin e mjeteve lundruese me motor për
argëtim apo aktivitete sportive është 18 vjeç. Personat e moshës 16 deri në 18
vjeç mund të përdorin mjetet lundruese me motor për argëtim apo aktivitete
sportive në varësi të kategorisë së mjetit dhe gjithmonë kur janë të shoqëruar
nga prindi.
SHTOJCA E KËRKESA
PËR SIGURINË NË PRAKTIKIMIN E SPORTEVE TË AVENTURËS, SI: “RAFTING”, “KAYAKE” DHE “KANOE” NË LUMENJ DHE NË UJËRAT E
BRENDSHME
1. Kërkesat
për organizimin
Të gjithë individët dhe personat juridikë të interesuar në
dhënien e shërbimeve për praktikimin e sporteve të aventurës duhet
të autorizohen nga Ministria e Turizmit, Kulturës, Rinisë dhe Sporteve dhe nga Drejtoria e Përgjithshme Detare, sipas nevojave dhe kërkesave të
treguara në rregulloren e miratuar sipas pikës 10 të këtij vendimi.
Dhënia e shërbimeve duhet planifikuar në mënyrën e duhur,
të jetë e organizuar, e pajisur me personel të trajnuar dhe me të gjitha elementet e
nevojshme për të siguruar një praktikim të sigurt të sportit dhe të mbrojtjes
së mjedisit.
2. Kërkesat
për sigurinë
a) Ofruesi i shërbimeve duhet të sigurojë kushtin e
personelit të trajnuar të aftë dhe të certifikuar, si guida apo si
instruktorë, për të menaxhuar rrethana të rrezikshme, për të realizuar
shpëtimin, evakuimin dhe ndihmën e parë në rastet kur kjo kërkohet në praktikë.
b)
Ofruesi i shërbimeve duhet të
ofrojë të gjitha pajisjet dhe udhëzimet e nevojshme për klientët, me qëllim praktikimin e sigurt të sportit bazuar në rregullat kombëtare dhe
në praktikat ndërkombëtare;
c)
Të hartojë dhe të zbatojë procedurat
e nevojshme për të mbajtur në nivel të qëndrueshëm pune pajisjet, para, gjatë
dhe pas praktikës.
d)
Të hartojë dhe të zbatojë
procedurat e nevojshme për të ruajtur sigurinë e pjesëmarrësve gjatë kryerjes së
veprimtarisë sportive, si dhe për të dhënë në të njëjtën kohë një përgjigje të
duhur për emergjencat që mund të ndodhin.
e)
Përpara se të fillojë aktiviteti, guida apo instruktori
sportiv, duhet të kryejë vlerësimin e riskut,
të aftësive dhe të kapaciteteve individuale të klientëve të ndryshëm, të
përfshirë në këtë aktivitet sportiv
specifik, duke siguruar që të gjithë ata të pajisen në mënyrën e duhur, të dinë
të përdorin pajisjet, si dhe të zbatohen masat e sigurisë.
f)
Ofruesi i shërbimeve duhet që të
përgatisë paraprakisht një plan të përgjithshëm përgjigjeje emergjence me përshtatje për vende specifike, duke përditësuar kushtet
përpara fillimit të çdo praktike sportive.
g) Përpara
fillimit të aktivitetit, stacioni vendor i policisë duhet informuar në lidhje
me përshkrimin, vendndodhjen,
pjesëmarrësit, sistemin e komunikimit, kohën e vlerësuar të fillimit dhe të mbarimit
të aktivitetit. Pas mbarimit të aktivitetit, policia duhet njoftuar në rast se
kanë ndodhur probleme me sigurinë gjatë zhvillimit të tij.
h) Në përputhje me nivelin e rrezikshmërisë që pritet të shoqërojë
pjesëmarrjen në aktivitet, ofruesi i
shërbimit u sugjeron pjesëmarrësve kryerjen e sigurimit të shëndetit dhe jetës
në rast aksidenti.
3. Në pajisjet e sigurisë përfshihen ato që tregohen më poshtë:
a) Kutia e
ndihmës së shpejtë, me material të mjaftueshëm dhe të duhur për aktivitetin
sportiv;
b) Helmetë
sigurie dhe jelek mbrojtës të një tipi të miratuar (nga Drejtoria e
Përgjithshme Detare) me specifikime për
tipin e sportit, kostume zhytjeje, litarë shpëtimi (50 metra), çanta shpëtimi, rrema/lopata në sasi të mjaftueshme për të gjithë
pjesëmarrësit, ganxha shpëtimi të vendosura te jeleku i shpëtimit të
guidës/instruktorit etj. Të gjitha pajisjet dhe jelekët e shpëtimit duhet që të
shënohen në mënyrë të qëndrueshme me emrin e ofruesit të shërbimeve;
c) Paketa/seti i riparimit të raftit;
Litar shpëtimi rezervë (50 metra) dhe
rrema/lopata rezervë.
No comments:
Post a Comment