Kush eshte Agron Fico qe u nderua nga Universiteti Gjirokastres,ja vleresimi nga Vasil Tole

E filloi jetën duke mbajtur mbiemrin e nderuar Fico si trashëgimi e paraardhësve dhe në ҫ’do hap që hodhi, prej fëmijërisë e deri tani e formësoi me punë dhe përkushtim emrin Agron. Ishte nxënës i shkëlqyer i shkollës “Drita” në Gjirokastër, i parapëlqyeri i mësuesit legjendar gjirokastrit Thoma Papapano e më pas bashkënxënës, student e kolegë me Ismail Kadarenë, Dritëro Agollin, Jorgo Bulon, Agim Shehun, Kristian Bukuroshin, Aleks Budën, Androkli Kostallarin, Zihni Sakon etj, që të gjithë personalitete të Shqipërisë.
Agron Fico ka një veprimtari të intelektuale që shtrihet që nga kërkim primar shkencor,drejtimi i institucioneve shkencore, pedagogjia e publicistika, me vetë folklorin në këndvështrimin më të gjerë, me albanologjinë si shkencë ndërdisiplinore, me Eposin e Kreshnikëve e dhe me çështjen homerike, me studimin e letërsisë shqipe dhe personalitetet e saj, me aktualitetin e Shqipërisë dhe të diasporës shqiptare etj, etj. Pa përmendur botimet e Tij të shumta, theksoj faktin se Agron Fico ka një kontribut të veҫantë në fushën pedagogjike e posaҫërisht në atë të popullarizimit, njohjes dhe përhapjes së gjuhës shqipe jashtë Shqipërisë, në aulat e Universiteteve në tre kontinente. 
Së fundi, ashtu siҫ universiteti nderohet nga emri i Ҫabejt, ashtu edhe vetë Ҫabej do të ndihej i nderuar që ka nga sot e tutje studiuesin e pedagogun e shquar Agron Fico si “Doctor Honoris Causa” të Universitetit të Tij.