Operacionet neper male e lugina ku thahet dhe magazinohet marijuane....

Drejtoria Vendore e Policisë Gjirokastër tha se po vijojnë operacionet e njëpasnjëshme anticannabis në qarkun Gjirokastër. Dy  operacione të tjera  janë zhvilluar gjatë ditës së sotme në Frashër të Përmetit dhe në Kurvelesh të Tepelenës. Operacionet jane kryer  nga Drejtoria Vendore e Policisë Gjirokastër në bashkëpunim me Komisariatin e  Policisë Përmet dhe Komisariatin e Policisë Tepelenë. Në operacione janë angazhuar  75 forca Policore.Jane sekuestruar 25 thasë me lëndë narkotike me peshë rreth 260 kg.Jane Evidentuar  dy hangarë  që shërbenin për tharje të bimëve narkotike.

Asgjësohen me anë të djegies  2820 bimë narkotike në proces tharje.

Si dhe 970 bimë të kultivuara.Shpallen në kërkim dy persona.

Operacioni i parë u zhvillua në vendin e quajtur Mbroshnik të fshatit Frashër të rrethit Përmet.

Gjatë operacionit është evidentuar një hangar ku brenda të cilit u gjetën të varura në proces tharje 2500 dega të  bimëve  narkotike në proces tharje të cilat u asgjësuan në vend me anë të djegies.

Gjithashtu u gjetën 25 thasë të mbushur me lëndë narkotike me peshë rreth 260 kg.

Nga ana e Policisë Përmet është shpallur në kërkim shtetasi K.L., banues në Frashër,  i cili në momentin e ndërhyrjes së Policisë ka mundur të  largohet në pyll.

Operacioni i dytë u zhvillua në  Njësinë Administrative Kurvelesh në malin e  fshatit Nivicë ku  u gjet një parcelë me 970 bimë të kultivuara dhe një hangar me 320 dega të bimëve narkotike  të varura në proces tharje.

Mbi bazën e informacioneve të marra në rrugë operative Policia e Tepelenës ka shpallur në kërkim shtetasin K.V., pasi  ka mundur të largohet në mal.

Vijon puna për  kapjen e autorëve si dhe për zbardhjen e plotë të këtyre veprave penale.